هل تذكرتم قصة حسن عجيني .. إبنه بدء رحلة البحث عن سبب وفاة أبيه! إليكم التفاصيل
رسالة من ابن المرحوم حسن عجينة الى كل ما شاهد حادث وفاة أبيه: أنا سكرت حسابي عالفيسبوك من سنتين تقريبا، انا رجعت كرمال هدف واحد كرمال اعرف كيف صار حادث والدي و اذا حدن سبّب الحادث او لا؟! يلي بيعرف حسن عجيني بيعرف شو معدنو و يلي ما بيعرف رح خبرو: حسن عجيني انسان بيفكر بقلبو و بيحس بقلبو و بيتصرف من قلبو حسن عجيني ما بيكره ما بيحقد ما بيظلم بيخاف الله اكتر ما بتتصوروا حسن عجيني كنت حل ما احكيه عن يلي عم يظلموه بحياتو كان يضل يقلي: “في الله يا بابا”. مش اكتر! حسن عجيني ما كان يسرع بالسواقة كان كتير رايق و محب! انا عم ناشد انسانية و ضمير و اخلاق و كل مين بيخاف الله من يلي كان وقت الحادث بتاريخ ٢٦ / ١٢ / ٢٠١٩ بين الساعة ١٠.٠٠ و الساعة ١٠.٣٠ الصبح على اوتوستراد صيدا صور – مفرق الصرفند اذا كان حدن شاف شو صار او حتى اذا حدن ضرب سيارتو من ورا و سبب الحادث يحكيني و يتسامح مني مش اكتر هاي قدام كل الناس اي شخص شاف او عرف معلومة حقيقية من منطقة الصرفند او عدلون او صور او اي منطقة كان و شباب الدفاع المدني او كشافة الرسالة يلي بالصرفند يلي اسعفوه، يبردلي قلبي لان هيدا الكاس على كل الناس و الله ما بيترك مظلوم لو بعد سنين! اي شخص شاف صور الحادث بيعرف انو في سبب محيّر و انو والدي في مين تسبب بحادثو يمكن خطأ منو و يمكن خطأ من غيرو ! بتمنى ما حدن يصيبو يلي صابنا. انا لله و انا اليه راجعون.