“الزواج لازم ما يكون عائق” .. الأستاذة رشا عواضة تروي لنا قصتها التي عايشتها في ظل الأزمة الإقتصادية الخانقة
لكل بنت متلي عم تجهز بيتها بهالفترة..
بحب قلك بس، نحن منعرف انو ما حدا معاشو بكفي إنو يفرش بيت حاليًا، الدولار بـ ٤٠٠٠ وكل شي غالي بشكل خيالي
برأيي المتواضع، في شغلتين لازم يكونوا متل أسمنا هالفترة
أولا،:يكون عنا توكل كامل ع الله، يعني حقيقةً نحط كل شي بإييد الله وصاحب الزمان عج لأنو هني المسؤولين عننا وما بيتركونا ❤️
ثانيًا: القناعة.
يعني معليش إذا ما كان عندي أوضة سفرة، أو ما جبت ترايات كريستال، أو ما لبست فستان مُصمم، أو البيت كان ناقصو شغلة أو تنين.. معلش إذا ما عملت عرس الأحلام، أو ما عملت شي بالمرة.. نحن بزمن ما بقى فينا نفكر بمادّية، وعلينا ندعم بعض ونصبر لأن الغلاء الفاحش مش بإيدنا
ثالثاً: اذا كنتو بتحبو بعض عنجد ما ح تهتمو ل كل شي اسمو كماليات صدقوني بالآخر ح تقولو الحمدلله انو قادرين نشتغل ببيتنا بهالوضع الصعب .
أخيراً: الله يوفق كل شخص عايش بهالأزمة اللي عم نعيش فيها والإتّكال الدائم على الله ♥️
والله لا يوفق اللي نهبوا الدنيا وبعدن ما شبعوا و خلونا نوصل ل هون 💔
